ТӨЛӨӨЛӨН УДИРДАХ ЗӨВЛӨЛИЙН ГИШҮҮНД
ТАВИГДАХ ШААРДЛАГА
Малын индексжүүлсэн даатгалын тухай хуулийн 21.1-д заасны дагуу “Үндэсний давхар даатгал” ХК-ийн Төлөөлөн удирдах зөвлөл (ТУЗ)-ийн бүрэлдэхүүнд санхүүгийн болон хөдөө аж ахуйн асуудал эрхэлсэн төрийн захиргааны төв байгууллага, статистикийн асуудал эрхэлсэн төрийн захиргааны байгууллага, даатгуулагч болон даатгагчийн төлөөлөл болон хараат бус 3 гишүүнийг сонгох бөгөөд ТУЗ-ийн гишүүнд холбогдох хууль, журамд заасан дараах шаардлага тавигдана:
- Зээл, батлан даалт, баталгааны гэрээгээр хүлээсэн хугацаа хэтэрсэн аливаа өргүй байх;
- Ял шийтгэлгүй байх;
- Ёс зүйн болон бизнесийн нэр хүнд нь компанийг удирдахад харшлахгүй байх;
- Санхүү, даатгал, эрх зүйн аль нэг чиглэлээр мэргэшсэн байх;
- Санхүү, даатгал, хууль эрх зүйн салбарт таваас доошгүй жил удирдах албан тушаал хашсан байх;
- Төрийн, улс төрийн болон улс төрийн намын албан тушаал хашдаггүй байх;
- Санхүү, даатгалын байгууллагад ажилладаггүй байх;
- Санхүү, даатгалын байгууллага болон тэдгээрийн холбогдох этгээдийн нөлөө бүхий хувьцаа эзэмшигч болон тэдгээрийн холбогдох этгээд биш;
- Дампуурсан, төлбөрийн чадваргүй болсон хуулийн этгээдийн нөлөө бүхий хувьцаа эзэмшигч, эрх бүхий албан тушаалд ажиллаж байгаагүй байх;
- Өмнө нь хувьцаа эзэмшигчдийн ээлжит хурлыг хуулиар тогтоосон хугацаанд хуралдуулаагүйгээс бүрэн эрх нь дуусгавар болсон компанийн эрх бүхий албан тушаалтан байгаагүй байх;
- СЗХ-ноос тогтоосон тохиромжтой этгээдийн шалгуурыг хангасан байх;
- Өөрөө эсхүл нэгдмэл сонирхолтой этгээд нь компанийн хувьцаа эзэмшигч биш байх;
- Өөрөө, эсхүл нэгдмэл сонирхолтой этгээд нь компанийн болон компани оролцогч нь болж байгаа компанийн нэгдлийн бусад оролцогчид ажил, албан тушаал эрхэлдэггүй, эсхүл сүүлийн 3 жилийн хугацаанд ажил, албан тушаал эрхэлж байгаагүй байх;
- Компанийн хяналтын багц хувьцаа эзэмшигчид, ТУЗ-ийн бусад гишүүн, гүйцэтгэх удирдлагын эрх бүхий албан тушаалтны нэгдмэл сонирхолтой этгээд биш байх;
- Төрийн үйлчилгээнийхээс бусад төрийн албан хаагч биш байх;
- Компанитай бизнесийн аливаа холбоогүй байх;
- ТУЗ-ийн хараат бус гишүүдийн нэгээс доошгүй нь даатгалын салбарт ажиллах эрхтэй мэргэшсэн нягтлан бодогч байж болно.