Компанийн бүтэц, орон тоо ажлын байраар
Гүйцэтгэх захирал:
Холбогдох хууль, дүрэм болон ТУЗ-тэй байгуулсан гэрээнд заасан эрх хэмжээний хүрээнд компанийн өдөр тутмын үйл ажиллагааг удирдана:
- Бодлого, хөтөлбөрийг боловсруулах, үйл ажиллагааг төлөвлөх, удирдах, зохицуулах, хянах замаар компанийн өдөр тутмын үйл ажиллагааг удирдан чиглүүлж ажиллана.
- Компанийн зорилт, стратеги, бодлого, хөтөлбөрийг тодорхойлох, ерөнхий удирдлага, чиглэлээр хангана.
- Төсөв боловсруулах, батлуулах, удирдах, зардлыг хянах, хүний нөөцийн болон санхүүгийн нөөцийн үр ашигтай зарцуулалтыг хангана.
- Үйл ажиллагааны гүйцэтгэлийг хянах, үнэлэх, зөвлөмж, тайланг судлах, гадна талд байгууллагаа төлөөлнө.
Андеррайтинг, бизнес хөгжлийн газар:
- Компанийн давхар даатгалын үйл ажиллагааг зохион байгуулж, даатгалын бүтээгдэхүүнийг давхар даатгах андеррайтинг хийх, үнийн санал боловсруулах;
- Давхар даатгалын гэрээ болон баталгааг даатгалын компаниуд, зуучлагч нартай байгуулах, даатгалын компаниуд, зуучлагч болон бусад оролцогч талуудтай хамтарч ажиллах;
- Олон улсын давхар даатгалын үйл ажиллагааг зохион байгуулж, олон улсын давхар даатгалын гэрээ болон баталгааг байгуулах;
- МИД болон давхар даатгалын бүтээгдэхүүний программ хангамжийг хөгжүүлэх, хэрэгжилтийг хангах;
- Нөхөн төлбөр олгох үйл ажиллагааг даатгалын гэрээ, нөхөн төлбөрийн журмын хүрээнд хэрэгжүүлэх;
- Шинэ бүтээгдэхүүн үйлчилгээг нэвтрүүлэх, борлуулалтын сувгийг нэмэгдүүлэх, судалгаа шинжилгээ хийх;
- Олон улсын болон дотоодын төр, хувийн хэвшлийн түншлэлийн хамтын ажиллагааг хөгжүүлэх;
- Бизнесийн болон стратеги, төлөвлөгөөг боловсруулах, хэрэгжүүлэх, тайлагнах
- Маркетингийн үйл ажиллагааг зохион байгуулах, хөгжүүлэх;
Эрсдэлийн менежмент, хөрөнгийн удирдлагын газар:
-
Компанийн сангийн хөрөнгийг /МИД-ын хамтын эрсдэлийн сангаас бусад/ холбогдох зохицуулалтын хүрээнд удирдан зохион байгуулах, бүрдүүлэх, төлөвлөх, нөөц сангуудын байршлын тайланг гаргах;
- Даатгалын үйл ажиллагаанд шаардагдах актуар тооцоолол хийх, актуар тайлан гаргах, судалгаа хийх;
- Компанийн эрсдэлийн удирдлагыг хэрэгжүүлэх, холбогдох судалгааг боловсруулан тайлагнах;
- Эдийн засаг, бизнесийн орчин болон хөрөнгө оруулалтын сувгийн судалгаа, санхүүгийн тайлангийн шинжилгээ хийх;
Захиргаа, удирдлагын газар:
- Хүний нөөц, хөдөлмөрийн харилцаа, нийгмийн асуудлыг шийдвэрлэх;
- Санхүүгийн үйл ажиллагаа, нягтлан бодох бүртгэлийн бодлогын хэрэгжилтийг хангах;
- Худалдан авалтын үйл ажиллагааг хариуцан зохион байгуулах;
- Компанийн цахим хуудас, цахим сурталчилгааг хөгжүүлэх, мэдээллийн аюулгүй байдлыг хангах;
- Архив, бичиг хэргийн ажлыг хариуцан зохион байгуулах;
- Хууль эрх зүйн асуудлыг хариуцан зохион байгуулах;
- Чанарын менежментийн тогтолцооны стандарт /ISO: 9001/-ыг нэвтрүүлэх;